Nagpost sa labing unang higayon sa Instagram og hulagway si Pope Leo XIV sa iyang account, gipost niini ang iyang hulagway sa dihang migawas kini sa bintana sa St. Peter’s Basilica human nga migawas ang puting aso sa tsimney sa Sistine Chapel diin gipahigayon ang Conclave, ang pamaagi sa simbahang katoliko sa pagpili sa bag-ong santo papa.
Sa post niini, gibutngan niini og captiona ng maong hulagway og “Peace be with you all!”.
Sa karon, duna nay usa ka post, usa ka million ka followers ug 33 kabuok ang gi-follow kon gisundan nga mga personalidad sa santo papa.
Kahinumdumang gituboy sa Vatican si Robert Francis Prevost isip ika-267th nga santo papa, usa ka 69 anyos nga labing unang amerikanong lider sa simbahan.
Si Prevost ang mangulo sa 1.4-B ka mga miyembro sa simbahan human gipili kini sa 133 ka mga kardinal human sa kamatayon ni Pope Francis niadtong Abril 21 ning tuiga.
Samtang sa pikas bahin, gikatakdang inagurahan karong Mayo 18 ning tuiga si Pope Leo diin ipahigayon kini sa Sait Peter’s Square.
Ang maong aktibidad pagasugdan og santos nga misa.
Apan, ayha pa man kini inagurahan, makighimamat una ang santo papa sa pipila ka mga grupo sama sa mga kardinal, magtotoo ug diplomatic corporations aron ipresenta ang panglantaw niini sa simbahan ug hisgutan ang pipila ka problemang gikaatubang sa kalibutan.