Nasakmit sa usa ka babaye nga politiko gikan sa Canada ang talagsaong nga rekord sa Guinness World Records human kini nagsul-ob og 360 ka piraso nga necktie nga dungan.
Si Marwah Rizqy, usa ka miyembro sa National Assembly sa Quebec.
Ang maong record-breaking attempt gihimo atol sa usa ka segment sa Canadian TV show nga isip pagselebrar sa iyang serbisyo isip politiko sa wala pa kini mukanaog sa pwesto.
Matod pa ni Rizqy, gidawat niya ang hagit aron ipakita nga ang mga babaye kapareha ra sa mga lalaki ug mahimo usab magsul-ob og daghang necktie.
Uban sa tabang sa production team, gisul-ob kaniya ang mga gitahi nga necktie.
Miabot og 48 minutos ang proseso sa pagbuak niya sa karaang rekord, ug halos natabunan na ang iyang nawong sa mga necktie.
Nagpadayon sila hangtod nakaabot sa 360 ka piraso hangtod nakab-ot ang rekord.
Alang kang Rizqy, kini usa ka kadaugan gihalad niini alang sa iyang mga anak.