Nakamugna og kasaysayan si Pinay grandmaster Janelle Mae Frayna human siya nakadaug sa 31st Abu Dhabi International Chess Festival-Ladies Blitz nga gihimo sa United Arab Emirates.
Nangulo si Frayna gikan sa 120 ka mga magdudula nga naggikan sa 24 ka nasud.
Kauban ni Frayna ang iyang coach nga si Grandmaster Jayson Gonzales.
Wala pa kini kapildihan si Frayna, diin nakakuha siya og 8 ka puntos gikan sa pito ka kadaugan ug duha ka draws.
Nakuha niya ang Grandmaster title kaniadtong 2016 sa 42nd World Chess Olympiad nga gipahigayun sa Baku, Azerbaijan.
Gipanganak siya sa Legazpi, Albay niadtong 1996 ug migradwar sa Far Eastern University.
Tulo ka beses siyang nahimong Philippine women’s champion ug miyembro usab siya sa Philippine national team.