Pinakataas nga iro sa tibook kalibutan, makita sa Estados Unidos

Usa ka iro nga ginganlan og “Minnie” pero pinakataas nga iro sa kalibutan anaa karon sa Estados Unidos diin duna kini ka tas on nga 3 ft.Napildi ni Minnie gikan sa Connecticut ang tanang dagkong iro sa tibuok kalibutan.

Matud pa sa iyang tag-iya nga sila Ken ug Lisa Nogacek, nakuha nila si Minnie nga itoy pa lang, apan paspas kaayo kini nidako hangtod sa punto nga dali na lang makuha ang pagkaon ibabaw sa kitchen counter.

Tungod sa iyang kadak-on, mas taas pa si Minnie kaysa sa miniature pony sa pamilya. Bisan pa sa iyang kataas, gihulagway si Minnie nga usa ka sweet ug tinuod nga “gentle giant” nga ganahan kaayo magdula.