Planong imbistigahan sa Malakanyang ang report nga ang buhangin sa Pilipinas gigamit sa reclamation projects sa China sa West Philippine Sea uban ang Department of Environment and Natural Resources (DENR) sa National Intelligence Coordinating Agency (NICA) ug sa Philippine Coast Guard (PCG).
Sumala ni Palace Press Officer Claire Castro, dili pa mahimong ipadayag ang mga detalye sa imbestigasyon tungod sensitibo ang maong issue.Apan gi klaro nga nakig-uban na ang DENR sa NICA ug Coast Guard aron tubagon ang issue.
Kung mapamatud-an, posibleng kasuhan ang mga hinungdan sa illegal nga kalihokan ilawom sa Philippine Maritime Zones Act ug Philippine Mining Act.
Sa usa ka public hearing sa Senado, nahinumduman nga si Ashley Acedillo sa NICA nag-ingon nga adunay impormasyon nga ang buhangin gikuha gikan sa Manila Bay ug uban pang mga lugar sa nasud aron gamiton sa pagtukod sa mga artipisyal nga isla sa China, labi na sa mga giilugang lugar sa WPS.
Dugay na nga nagbantay ang Philippine Coast Guard bahin sa padayon nga reclamation ug konstruksyon nga gihimo sa China sulod sa exclusive economic zone (EEZ) sa Pilipinas, lakip na ang Pag-asa Cays ug Escoda Shoal.
Samtang, nagpadayon ang imbestigasyon ug nanghinaut ang mga awtoridad nga magpabilin nga alerto ang publiko ug magreport sa mga kahina-hinalang kalihokan nga may kalabotan niini.