Opisyal na nga ipahigayon sa Pilipinas ang 3rd FIG Artistic Gymnastics Junior World Championships karong umalabot nga Nobyembre 20 hangtod 24 ning tuiga.
Kini human gitakda sa FIG Executive Committee ang Pilipinas isip host sa maong kompetisyon.
Sumala ni FIG President Morinari Watanabe, importante ang junior ug senior world championships karong tuiga nga ipahigayon sa mga nasud nga karon pa lang mahimong host sa usa ka world championship.
Gipadayag ni Cynthia Carrion, Presidente sa Gymnastics Association of the Philippines (GAP), ang iyang dako nga pasalamat alang sa maong oportunidad.
Matud ni Carrion, usa kini ka dako nga pasidungog sa nasud og misaad sa kalampusan sa maong event.
Nidugang usab sa kadasig sa mga Pilipino ang double gold medal win ni Carlos Yulo sa 2024 Paris Olympics, nga mitaas ang interes sa publiko sa artistic gymnastics, hinungdan nga mas mahinungdanon ang pagka-host sa Pilipinas sa usa ka international nga tournament.
Gilauman nga mosalmot sa torneyo ang men’s ug women’s artistic gymnastics, ug kini mahimong dako nga inspirasyon alang sa umaabot nga henerasyon sa mga atleta sa Pilipinas sa natad sa gymnastics.