Gipailalom na sa Philippine Air Force (PAF) ang tanan nilang units ug personnel sa standby alert isip pagpangandam sa padayong epekto sa Bagyong Ada.
Matud pa sa PAF, naka-andam na ang ilang mga air ug land assets sa mga apektadong lugar, ilabi na sa mga dapit nga gilaumang maigo sa kusog nga ulan ug hangin. Kini nga mga kahimanan gamiton alang sa Humanitarian Assistance and Disaster Response (HADR).
Paghatag og dinaliang tabang sa mga komunidad. Rapid response operations. Lakip na ang life-saving assistance ug uban pang disaster management efforts.
Gipasalig sa Air Force nga bukas ang ilang linya sa komunikasyon ngadto sa mga lokal nga kagamhanan (LGUs) ug disaster agencies alang sa paspas nga koordinasyon.
Magpabilin ang maong alert status hangtod nga hingpit nga makagawas ang bagyo sa nasud aron maseguro ang kaluwasan sa mga apektadong residente.