Hulipan sa mga opposition figures Leila de Lima ug Chel Diokno ang duha ka mga magbabalaod aron nga lakip unta sa prosecution panel batok kang Vice President Sara Duterte, human nangapildi sa milabyang eleksyon.
Una nang gikumpirma ni kanhe senadora ug karon ML partylist first nominee Leila De Lima nga nakadawat siya ug offer para mahimong parte sa prosecution sa impeachment case ni Vice President Sara Duterte.
Saysay ni Delima nga mismong si House Speaker Martin Romualdez ang nanawag kaniya og nag tanyag diin gi angkon niini nga derecho niyang gidawat ug gikalipay nga mahimong parte sa Prosecution.
Sa laing bahin nagpahayag usab si Akbayan Partylist Atty. Chel Diokno nga iya usab gidawat ang imbitasyon nga mahimong parte sa House Prosecution Panel.
Sa onse ka House prosecutors nga nadesignate prosecution team,pakyas sa ilang second term sila Ako Bicol Representative Jil Bongalon ug General Santos City Representative Loreto Acharon.Ang tanang magbabalaod nga sakop sa prosecution panel mga abogado.