Naka pili na ug bag-ong hepe sa Philippine National Police (PNP) nga mopuli kang PNP Chief PGen Rommel Francisco Marbil ang impormasyon gikumpira ni Department of the Interior and Local Government (DILG) Secretary Jonvic Remulla.
Matod sa kalihim, nag-estorya na sila ug ang Presidente ug dili na kinahanglang mohatag pa og rekomendasyon tungod kay naa na sa hunahuna sa Presidente kon kinsa ang mahimong lider sa National Police. Bisan pa niini, wala hinganli sa kalihim ang sunod nga hepe sa PNP ug niingon nga tugotan niya ang Presidente nga ipahibalo ang iyang ngalan sa labing dali nga panahon.
Siya usab miingon nga mas maayo kon ang sunod nga hepe adunay taas nga termino aron ipadayon ang sa organisasyon ug isulong ang mga pagbag-o ug kaayuhan sulod sa ilang hanay.Saysay pa niini mas labing maayo matud pa nga ang sunod nga hepe adunay limpyo nga track record ug batid sa pagpadagan sa organisasyon ug bisan sa operasyon sa ilang han-ay alang sa epektibong liderato.
Sa laing bahin, kahinumdoman nga ang termino ni Marbil mahuman sa Hunyo 7, diin pipila ka mga kwalipikado nga opisyal sa PNP ang gi-tap aron ilisan ang posisyon nga gibakante sa hepe.Pipila niini mao sila si Lieutenant General Jose Melencio C. Nartatez Jr., Lieutenant General Robert Rodriguez, Lieutenant General Edgar Alan Okubo, Police Major General Nicolas Torre III, ug Police Major General Anthony Aberin.