Gipadayag sa Department of Labor and Employment (DOLE) nga wala’y kaso nga atubangon ang Agrinanas Company Development Inc. human sa imbestigasyon nga nagpakita nga wala kini nakalapas sa Labor Code.
Apan, matud ni Nick Borja, Consultant, adunay mga isyu sa paagi sa pagsirado sa planta gumikan ang mulo sa dul-an 2000 ka mga trabahante nakurat na lamang matud pa sila nga nikalit kini og sirado sa adlaw nga nag-assembly meeting ang kompanya ug miingon nga manirado na.
Gidugang pa sa Consultant, nga kung bankrupt man ang kompanya, kinahanglan nga adunay transparency gumikan adunay mga istorya nga nagkatap nga ipa-aasume kini sa laing kompanya ug ilisdan ang mga trabahante.
Samtang, ang kompanya nagpasalig nga bayaran ang mga empleyado sa sa Setyembre 20, ning tuiga.
Kahinumdoman nga niadtong Agosto 20, 2025, gipasabot nga nabrankrupt ang Agrinanas Company, hinungdan sa kalit nga pagkawala sa trabaho sa liboan ka mga empleyado.
Subay sa hisgutan kabalot sa kalit nga pagsirado sa grinanas Company Development Inc., magpahigayon ang DOLE Bukidnon og job fair. Kini alang sa dul-an 2,000 ka empleyadong apektado sa pagsira sa maong kompanya.
Sa eksklusibong pakighinabi sa Bombo Radyo Malaybalay kang Rubin Biano, ang Supervising Labor and Employment Officer sa DOLE Bukidnon, miluwat kini nga adunay 20 ka mga employers ang giimbitar aron motambong sa maong job fair sa munisipyo sa Talakag ug Libona, diin nakabase ang kadaghanan sa mga apektadong empleyado.
Apan kini gikabalak-an ni Anthony Hingking – Presidente Agrinanas Company Development Inc., Employees Union, gumikan sagaran sa trabahante nag-edad na sa 45 pasaka sa 50 anyos diin posibleng dili kwalipikado sa mga kompanyang anaa sa job fair.