Pagpatawag sa City Council sa Prime water management walay nakuha nga kasulbaran sa ilang inutil nga serbesyo sa panubig sa Syudad.

Gibarugan sa city council ang dakung kakulangon sa serbesyo sa panubig  dinhe sa syudad. Sa pakighinabi sa Bombo Radyo Malaybalay kang Niko Aldeguer City Councilor ning syudad, wala matod pa walay maayong nakuha ang city council sa  gipahigayong committee meeting  as whole niadtong Hulyo 14,  aron hisgutan ang seryosong isyu sa suplay sa tubig nga gidumala sa Prime Water ug Malaybalay City Water District.

Dugang pa niini dako ang posibilidad nga ang management mismo sa kompanya ang problema, base sa kasayuran nga kanunay mag ilis-ilis og mga empleyado ug walay nagdugay nga opisyal matututokan ang  operasyon.

Sa pagkakarun gikonsiderar sa lokal nga konseho ang default of pre-termination sa kontrata sa Prime Water isip solusyon sa problema.