Padayon ang pagpangita sa usa ka menor de edad nga bata nga gi-report nga nawala human kini mangisda sa suba sa Barangay Aglayan, dakbayan sa Malaybalay.
Base sa impormasyon nga nakuha sa Bombo Radyo Malaybalay ngadto na sa buhatan sa City Disaster Risk Reduction and Management Office gi report nga nawala ang bata niadtong buntag sa Lunes, samtang kini namingwit sa suba.
Gituohan nga posible kini nga nalunod human sa kalit nga kusog nga ulan nga miresulta sa paspas nga pagsaka sa tubig sa suba.Sulod sa tulo ka adlaw nga operasyon sa pagpangita, nangayo na og tabang ang City Disaster sa mga kauban nilang rescue teams sa mga silingang lungsod sa Valencia ug Maramag.
Kini aron matabangan sa pagsubay sa sumpay nga suba nga moagi sa ilang lugar kung possible bang naanod paingon didto ang bata.Nagpadayon ang paningkamot sa mga otoridad aron makita ang nawawala nga bata ug mapahibalo dayon ang pamilya.