Gibutyag ni Apollo Pacamalan, Director sa Department of Agriculture Region X nga padayon ang regular nga miting uban sa mga dagkong negosyante sa bugas aron hisgutan ang posibilidad sa paglunsad sa P20 nga bugas karong umaabot nga Hulyo.
Kini nga lakang kabahin sa paningkamot sa gobyerno nga matabangan ang mga kabus ug vulnerable nga pamilya batok sa misaka nga presyo sa mga palaliton lakip na sa bugas.
Sigon ni Pacamalan, nga usa sa mga hinungdan sa kalisod sa bugas mao ang kakulang sa pondo, apan dil kini raon nga magutman ang mga tawo mahitungod dunay igo nga lagutmon sa rehiyon ug ang makanunayon ang produksyon sa bugas.
Giplano usab nga gamiton ang revolving fund isip tinubdan sa pondo sa maong programa. Nakig-alayon usab ang DA sa National Food Authority ug mga outlet sa Kadiwa aron mapalig-on ang suplay sa buga, ug masiguro nga dili motaas ang gasto sa produksyon apan motaas ang ani ug kita sa mga mag-uuma.
Sa laing bahin, naningkamot ang DA ug NFA nga mapalapdan ang teknolohiya ug imprastruktura sa agrikultura.
Sa Lanao del Norte, gisugdan ang plano sa pagtukod og small water impounding facilities ug ang pagpalapad sa bag-ong humayan nga mokabat og 50 hangtod 100 ka ektarya.
Gitinguha sa buhatan nga makab-ot ang 95% nga kasiguruhan sa rice production sa tibuok Northern Mindanao.