Giplano sa Department of Agriculture (DA) nga ipadayon ang pagbaligya sa P20 kilo nga bugas hangtud sa tuig 2028 o hangtud matapos ang termino ni Presidente Ferdinand Marcos Jr.Sa inisyal nga plano sa DA nga nga palapdan ang pagbaligya sa barato nga bugas nga kasamtangang gibaligya na sa kapin 32 ka Kadiwa ng Pangulo outlets sa nagkalain-laing parte sa Luzon ug Visayas.
Gikatakda usab nga ilusad ang maong programa sa Mindanao sa buwan sa Hulyo, aron masiguro nga adunay outlet sa tibuok nasod. tunga-tunga ning tuiga, tuyo sa ahensya nga adunay na’y total nga 55 ka Kadiwa outlets diin ang mga kwalipikadong benepisyaryo lakip na ang mga senior citizen, single parent, ug uban pa makapalit sa barato nga bugas.
Matod ni DA Secretary Francisco Tiu Laurel Jr., gitan-aw karon sa ahensya ang pagpa lambo sa implementasyon sa maong programa gikan sa igong supply, maayong sistema sa pagbaligya, hangtod sa epektibong pagpahigayon niini. Samtang gibutyag ni PCO Secretary Claire Castro,gipaayo na usab karon ang mga pasilidad sa Kadiwa stores diin gibaligya ang bugas, lakip ang pagbutang og maayong ventilation ilabi na karong panahon sa kainit.
Ang P20 nga bugas gibaligya pinaagi sa subsidiya nga gihatag sa gobyerno. Kini gipondohan sa DA, National Food Authority (NFA), ug sa mga lokal nga panggamhanan diin kini gibaligya. Gawas niini una ng gikumperma ni Castro nga palapdan ang maong sugyot nga mag baligya og baratong bugas hangtud sa tuig 2028.