Pacquiao ug Barrios, parehong mitimbang sulod sa welterweight limit

Parehong nisulod sa welterweight limit nga 147 pounds si Filipino boxing icon Manny Pacquiao ug American boxer Mario Barrios.

Sa gipahigayong weigh-in niadtong Sabado sa buntag sa Las Vegas, si Pacquiao mitimbang og 146.8 pounds samtang si Barrios mitimbang og 146.2 pounds.

Kini ang gikonsiderang labing bug-at nga timbang ni Pacquiao sukad sa iyang ikaupat nga away batok ni Juan Manuel Marquez niadtong Disyembre 2012.

Ang ulahing higayon sa away ni Pacquiao niadto pang tuig 2021 diin gipildi kini ni Yordenis Ugas pinaagi sa unanimous decision.

Samtang ang 30-anyos nga si Barrios katapusang nakigsangka niadtong Nobyembre sa miaging tuig pinaagi sa 12-round split draw batok kang Abel Ramos.