P81,600 nga kantidad sa illegal nga droga, Kalilangan, Bukidnon

Mukabat sa P81,600 nga kantidad sa illegal nga droga ang nakumpiska sa atol sa operasyon sa kapulisan sa Purok 6, Barangay Central Poblacion, Kalilangan, Bukidnon.

Ang maong operasyon miresulta usab sa pagkasikop sa usa ka lalaki nga giila sa alyas “Landy,” 45-anyos.

Nasakmit gikan niini ang pito ka pakete sa gituohang shabu nga adunay kinatibuk-ang gibug-aton nga 12 gramos.

Anaa na karon sa kustodiya sa Kalilangan Municipal Station ang dinakpan ug mag-atubang sa kasong paglapas sa Comprehensive Dangerous Drugs Act of 2002.

Samtang ang nakumpiska nga droga gidala na sa Regional Forensic Unit alang sa eksaminasyon.