Nakumpiska ang P177,820 nga kantidad sa gitouhang illegal nga droga atol sa gihimong buy-bust operation sa Barangay Barandias, Pangantucan, Bukidnon.
Nasikop atol sa maong operasyon ang usa ka lalaki nga giilang si alias “Dodong”, 25 anyos.
Nakumpiska atol sa operasyon ang usa ka pakete sa gitouhang shabu nga adunay gibug-aton nga 0.15 gramos ug gibanabana nga nagkantidad sa P1,020, ug laing lima ka pakete sa gitouhang shabu nga adunay gibug-aton nga 26 gramos nga nagkantidad og P176,800.
Diin ang kinatibuk-ang gibug-aton sa nakumpiskang droga miabot sa 26.15 gramos nga adunay standard drug price nga P177,820.
Gidala gilayon sa Pangantucan MPS ang suspek uban ang mga ebidensya alang sa hustong disposisyon, samtang ang nakumpiskang droga gidala sa Provincial Forensic Unit alang saeksaminasyon.
Samtang mag-atubang usab ang dinakpan og kasong paglapas sa Article II, Section 5 ug 11 sa Republic Act 9165 kon Comprehensive Dangerous Drugs Act of 2002.
Kahinumdoman nga nasikop ang dinakpan sa kagabhion sa Oktubre 10, 2025, alas 8:30.