Gisunog karong adlawa ang kapin P13 milyones nga kantidad sa illegal nga droga sa didto Cagayan de Oro City.
Mismo si Atty. Benjamin Gaspi, Regional director sa Philippine Drug Enforcement Agency kon PDEA Region 10 ang nangulo sa maong kalihokan.
Sumala ni Atty. Gaspi, nga ang gisunog naglakip sa shabu nga dunay gibug-aton nga timbang nga 1,523.5861 gramos diin nagkantidad kini ug P10.36 milyones, marijuana 18,209.70 gramos nga mibalor sa kapin P2 milyones, ug 51.0 ml nga marijuana oil nga nagkantidad sa P2,550.
Apil usab sa gisunog ang mga drug paraphernalia ug expired nga mga tambal.
Samtang gipasabot ni Gaspi nga ang pagsunog kabahin sa ilang kampanya batok sa illegal droga dinhi sa rehiyon. Sa kinatibuk-an, mikabat sa halos 20 kilos ang gidaghanon ang nasakmit nga mga droga.