Mikabat na sa kapin P100 bilyon ang kinatibuak-ang deposito sa nasud sulod sa unom ka digital banks sa Pilipinas, base sa pinakabag-ong datos gikan sa Bangko Sentral ng Pilipinas kon (BSP).
Sa unang tulo ka buwan sa 2025, natala ang P102.3 bilyon nga depositom, diin dunay 33.2% nga pagtaas tandi sa samang panahon sa miaging tuig.
Dako usab ang pagsaka sa ihap sa mga konsumidor sa digital banking nga misaka og 112%, nga katugbang sa 15.5 milyones ka depositors.
Sumala sa BSP, nagpadayon ang ilang kampanya aron dasigon ang publiko sa paggamit ug pagsalig sa digital banking tungod sa hapsay ug sa seguridad nga dala niini.
Nagtuo ang BSP nga mas mudako pa ang coverage niini samtang mas daghan pa ang maedukar bahin sa benepisyo sa digital finance.
Kini nga kalamboan usa ka milestone sa padayon nga pag-uswag sa digitalization sa financial sector sa nasud.