P-pop group nga SB19, kanselado ang konsyerto sa Saudi

Gikansela sa Filipino P-pop group nga SB19 ang ilang gikatakdang konsyerto sa Saudi Arabia.

Ang “Simula at Wakas” concert diin gilaumang ipahigayon karong Oktubre 9 sa Intercontinental Durrat Al Riyadh apan napugos kini nga kanselahon.

Sumala sa mga organizers, nangayo sila og pasaylo sa mga fans nga nagpaabot sa maong kalihokan gumikan sa mga dili malikayan nga kakulian, bisan wala nila gipadayag ang tinuod nga hinungdan sa kanselasyon.

Gipasabot usab nila nga ibalik ang bayad sa mga nakapalit og tiket alang sa kanseladong konsyerto.