Gikwestyon ni Niko Aldeguer, City Councilor sa syudad sa Malaybalay, ang pagpakahilom sa PrimeWater taliwala sa 60 days nga ultimatom nga gipasa sa Water District niadtong Hunyo 25.
Matud ni Aldeguer, lisod ang insigida nga pagpahawa sa pribadong kompanya gumikan taas ang proseso niini bisan man sa nagtapun-og na nga reklamo ug mulo sa mga konsumante.
Apan gibutyag niini, nga magpahigayon og committee hearing karong umaabot Lunes, Hulyo 14, aron tukion ug masuta ang mga hinungdan niini nga problema.
Dugang pa ni Aldeguer, nga puros ra saad ang PrimeWater diin dili lang sa syudad sa Malaybalay apan lakip na sa tanang joint venture niini sa tibuok nasud.
Gibutyag usab niini, nga mas palabihon niini nga ang gobyerno ang maghawid ug magserbisyo sa pagsuplay sa patubig sa syudad.
Dugang pa ni Aldeguer, nga walay problema kung pribado nga kompanya ang mudala sa distribusyon sa patubig apan kinahanglan siguradohon usab ang serbisyo ug dili puros pagpangkwarta lang.