Nahimong init ang tensyon tali sa katawhan ug sa gobyerno sa Indonesia gumikan sa papataas sa suholan ug allowance sa opisyalis sa gobyerno.
Sa eksklusibong pakighinabi sa Bombo Radyo Malaybalay, kang Julie Ann Gabunada, Bombo International News Correspondent sa Indonesia, OFW- usa ka magtutudlo sa Indonesia, ug residente sa Lurogan, syudad sa Valencia, nga miulbo ang protesta sa Indonesia sa miaging semana sa ekonomiya ug politikanhong kaguliyang nunot sa kapin 500 ka parliamentarians ang nakadawat ug dagkong housing allowance isip dugang sa ilang sweldo.
Apan gisupak kini sa katawhan sa gisugyot nga dugang suholan ug ubang lakang sa gobyerno pinaagi sa pagprotesta ug pagsunog sa balay sa politiko, regional parliament buildings ug uban pang pasilidad.
Gibutyag ni Gabunada, nga tungod niini, kasagara sa mga empleyado, magtutungha ug mga OFW sa Indonesia, nagwork-from-home set-up ug online-learning aron nga makalikay sa maong kagubot.
Dugang pa ni Gabunada, nga mas mikusog ang protesta gumikan adunay drayber ang nakabsan sa kinabuhi diin gikaingong naipit ug naligsan sa sakyanan sa kapulisan sa maong protesta.