- Advertisement -
Malampusong gisugdan ni Novak Djokovic ang iyang kampanya para sa ika-25 nga Grand Slam title human niini gipilde si Pedro Martinez sa Spain sa iskor nga 6-3, 6-2, 6-2 sa unang round sa Australian Open niadtong Lunes.
Target ni Djokovic ang iyang ika-25 nga Grand Slam ug mao usab kini ang iyang ika-100 nga kadaugan sa Melbourne Park.
Bisan pa man og adunay kabalaka sa iyang kondisyon tungod kay wala kini misalmot sa Adelaide tune-up ug gipamub-an ang iyang practice, gipakita gihapon niini ang lig-on nga porma sa dula.
- Advertisement -