Novak Djokovic, mibilib sa kadaghan sa supporters ni Alex Eala

Gidayeg sa kanhi world number 1 tennis star nga si Novak Djokovic ang kasikat karon sa Pinay tennis player nga si Alex Eala.

Usa si Djokovic sa nakasaksi mismo kon giunsa pagsuporta sa mga Pinoy fans sa Australia ang garbo sa Pilipinas. Matud pa sa Serbian tennis star, nakita niya nga puno dayon ang playing court bisan sa pagsugod pa lang sa dula sa 20-anyos nga si Eala.

Dugang pa ni Djokovic, angay unta nga gibutang si Eala sa mas dako nga court tungod sa kadaghan sa mga tawo nga gustong mutan-aw kaniya.

Bisan pa man og napildi ang world number 49 batok kang Alycia Parks sa US sa unang round, wala gihapon mibiya ang iyang mga fans ug nagpabiling lig-on ang suporta kaniya.