Mukabat sa P123.7 bilyon ang posibleng economic losses ug excise tax deficiency karong tuiga kung magpadayon ang nagkadaghan nga smuggled cigarettes sa Northern Mindanao.
Sa eksklusibong pakighinabi sa Bombo Radyo Malaybalay kang Atty. Sittie Aisah Hadji Amer-Calbe, CPA, Revenue Officer III–Assessment sa Bureau of Internal Revenue-Malaybalay City RDO no. 99, gibutyag niini nga base sa pagtuon sa Action for Economic Reforms kon AER, nagpabilin nga labing pinakataas ang prevalence sa smuggled cigarette packs sa Mindanao.
Matud ni Calbe, daghang mga port cities sa Mindanao ang gihimong entry points alang sa illegal nga sigarilyo.
Dugang pa niini, nga kasagaran gipaagi sa pag-sagol sa illegal nga produkto sa legitimate shipments, samtang ang uban usab ginapasulod pinaagi sa backdoor trading.
Bisan pa man niini, giklaro sa opisyal nga padayon ang hugot nga intelligence work sa BIR ug uban pang ahensya aron mapugngan ang kadaut nga dala niini sa ekonomiya.
Sa datos sa BIR, ang kinitang mawala sa gobyerno tungod sa smuggled cigarettes mukabata sa kapin kon kulang P50 bilyon matag tuig.
Miluwat usab kini nga kung dili mapugngan ang smuggled cigarettes ang excise tax deficiency posible kini muabot pa og P123.7 bilyon karong tuiga, hinungdan aron masakripisyo ang koleksyon sa buhis ug ang pondo alang sa serbisyong publiko.
daghan na ang mga tindahan sa probinsya ang nasurveillance, napasakaan og criminal case, ug gipasirad-an, samtang ang mga illicit cigarettes nga nasakmit anaa na kasamtangan sa proseso alang sa destruction.
Gipunting niini nga ang tanan operasyon sa BIR kinahanglan motuman sa Revenue Memorandum Order kon RMO 2022, nga nagkinahanglan og mission order aron tugotan ang mga revenue officer sa pagsulod sa mga establisyemento ug paghimo og inventory stock-taking, physical count, apprehension, forfeiture, ug uban pang kalihukan nga adunay kalabutan sa pagsiguro sa pagsunod sa balaod.
Lakip sa proseso ang pagandam og full memorandum report nga naglakip sa statement of facts, procedures taken, violations committed, tax liabilities, ug recommended action.