Nagpadayon ang kalampusan sa Rehiyon X sa Northern Mindanao (NorMin Stars) human nakab-ot na usab ang laing gold medal sa Palarong Pambansa 2025 nga gipahigayon karon.
Si Francis Joenel Cuabo sa SDO Iligan City mipasiugda og usa ka talagsaong performance sa Taekwondo Freestyle Poomsae – Secondary Boys category, diin nagpakita sa iyang kadasig hinungdan sa kadaugan ug pagkakuha sa ikatulong bulawang medalya alang sa rehiyon.
Gipakita ni Cuabo ang grasya, kusog, ug kataas nga lebel sa konsentrasyon nga mipatigbabaw batok sa uban niining mga kaubanan.
Dugang niini, nasakmit usab ni Krystal Marydane Deguiñon ang kadaugan nga mipakita sa kahanas ug determinasyon sa parehas nga event sa Taekwondo Freestyle Poomsae.
Nasakmit niini ang bronze medal human makakuha og puntos nga 6.3.Sa pagkakaron, nagpadayon ang pagpaningkamot sa NorMin aron madugangan ang medalya sa rehiyon ug ipakita nga lig-on ug andam ang rehiyon sa kompetisyon.