Naghatod og dakong garbo ug pasidungog ang mga atleta sa Northern Mindanao kon NorMin Stars atol sa Grand Opening sa Palarong Pambansa 2025 nga gipahigayon sa Laoag City.
Gipasigarbo ang delegasyon sa NorMin uban sa liboan ka mga atleta ug delegado gikan sa lain-laing rehiyon sa tibuok nasud.
Ang maong kalihokan usa ka timaan sa pagsugod sa semana nga puno sa kompetisyon, paningkamot, ug pakigbisog alang sa dungog sa edukasyon ug pagpa-ugnat sa kusog.
Kauban sa parada ang mga opisyal sa Department of Education Region 10, mga coaches, ug mga opisyal sa lokal nga kagamhanan.
Gidala sa matag lakang sa mga atleta ang ilang dedikasyon, disiplina, ug mga paglaom nga ipakita ang ilang talento sa nasyonal nga kompetisyon.
Ang ilang partisipasyon usa ka simbolo sa pagkahiusa, paningkamot, ug padayong paglambo sa isport sa Mindanao ug tibuok nasud.
Gani, sa pagsugod sa maong aktibidad, miarangkada na ang mgadelegado sa Region X human nga nakadaog tali sa Western Visayas sa natad sa Baseball Elementary category ug Game 1 sa Tennis tali National Capital Region.
Miarangkada sab ang mga babayeng basketball players (secondary level) tali sa BARMM.