Giplano sa beteranong bigman nga si Jonas Valančiūnas, nga modula sa EuroLeague taliwala sa malampusong karera sa National Basketball Association (NBA).
Sa pagsugod sa free agency, na-trade si Valančiūnas gikan sa Sakramento Kings ngadto sa Denver Nuggets, samtang aduna pa kini $20 milyon nga nahabilin sa iyang kontrata ning kasamtangan.
Apan, base sa kampo ni bigman nga giistudyohan niini nga moduwa sa European basketball human gitanyagan sa Panathinaikos Athens.
Kasamtangang anaa sa Athens ang batikang magdudula samtang padayon ang negosayson alang sa mamahimong kontrata niini sa higayon nga madayun kini nga mudula sa Europa ug kung possibleng biyaan niini ang NBA.
Una nga na-draft Valančiūnas sa NBA niadtong 2011 uban ang ikalima nga overall pick. Gipili kini sa Toronto Raptors apan human sa pipila ka mga season, mibalhin kini sa sa Memphis Grizzlies, New Orleans Pelicans, ug sa Washington Wizards.
Sa miaging season, ang 33-anyos nga si Valančiūnas nag-average og 10.4 points, 7.7 rebounds ug 2.0 assists matag duwa.
Sa pagsulod ni Valančiūnas sa Panathinaikos, gilauman nga makauban niini ang beteranong magdudula sa EuroLeague nga si Mathias Lessort.
Ang duha gikonsiderar nga labing bagsik nga sentro sa liga sa higayong mag-uban na kini sa dula.
Kasamtangang hawid sa Panathinaikos ang pito ka EuroLeague championships ug usa ka International Cup.