Nasang-at na ang kasong statutory rape batok sa usa ka ulitawo human sa giingong pagpanglugos sa iyang kaugalingong ig-agaw nga menor de edad.
Nasikop kini sa kapulisan atol sa pagserbisyo sa warrant of arrest niadtong Hulyo 7, 2025, alas 9:20 sa gabii sa Barangay Sil-ipon, Libona, Bukidnon. Giila ang suspek nga si Marvin Dalondonan Tacbao, 19 anyos, ulitawo, panadero ug residente sa Sitio Mantaboo sa maong barangay.
Sumala sa imbestigasyon, ang biktima mao ang 14 anyos sa panahon sa insidente ug first cousin sa akusado. Giingong nahitabo ang pagpanglugos tulo ka higayon sulod sa balay sa suspek niadtong Agosto 2024, samtang ubos kini sa impluwensya sa ilimnong makahubog. Wala dayon masumbong ang krimen tungod kay gihulga ang biktima.
Nahisayran lamang kini sa ginikanan sa biktima karong tuiga dihang namatikdan nilang mabdos ang ilang anak. Sa pagkakaron, ang dinakpan gibalhug na sa lock-up cell sa Manolo Fortich Municipal Police Station samtang nagpaabot sa dagan sa kasong pikasohan batok kaniya.