- Advertisement -
Nasunog ang Daily Joy Kids Play Center, kagahapong adlawa pasado alas 8:00 sa buntag, ang usa ka establisyamento nga gikatakdang mag-abli karong umaabot nga Agosto 8, didto sa Purok 10, Poblacion, Valencia City.
Gikatakda kini nga magserbisyo sa publiko isip bagong lugar pang-bata, apan napakyas ang pag-abli tungod sa kalit nga sunog. Sa impormasyon na nasakmit sa Bombo Radyo Malayabalay, wala’y nalambigit nga samaran o namatay, apan gilauman nga dakong kawad-on sa negosyo ang resulta sa insidente.
Padayon ang imbestigasyon sa Bureau of Fire Protection – Valencia City aron masuta ang tinubdan sa kalayo ug matino kung adunay kapakyasan sa electrical o uban pang aspeto sa seguridad.
- Advertisement -