Nakaangkon na og serbisyo ang 12 ka Persons with Disability (PWD) sa Malaybalay human silang ma-scan alang sa libreng artificial leg pinaagi sa inisyatiba sa PDAO ug sa suporta sa Solutions Philippines Incorporated.
Sa pakighinabi sa Bombo Radyo Malaybalay ngadto kang Angelica Barraca – Mindanao (B2B) Sales Executive, gipahibalo niini nga dako kining oportunidad aron matabangan ang mga PWD nga makalakaw pag-usab ug makabaton og bag-ong paglaum.
Gisuportahan sa lokal nga gobyerno sa Malaybalay ang maong kalihukan, ug gilauman nga moabot na sa sunod semana ang 12 ka prosthetic devices. Giawhag usab ang uban pang PWD nga adunay kasinatian sa tiil nga mokontak sa PDAO aron matabangan.
Tumong sa maong programa ang paghatag og dignidad ug kahigayunan sa mga PWD pinaagi sa konkretong aksyon ug kooperasyon tali sa publiko ug pribadong sektor.