Nagpahimangno ang kapulisan sa katawhan batok sa pagbaligya og smuggled nga sigarilyo

Gipahimangnoan sa kapulisan ang katawhan sa region 10 batok sa pagbaligya og smuggled nga sigarilyo aron malikayan ang posibleng kaso ug legal nga sangputanan nga may epekto sa ilang panginabuhian.

Sa padayong kampanya batok smuggling, gibutyag ni Police Major Joann  Navarro, tagpamaba sa Police Regional Office -10, mipahimangno kini sa mga tag-iya sa gagmay’ng tindahan ug komunidad nga likayan ang pag-apil sa pagpamaligya sa mga ilegal nga produkto.

Nagpadayon ang intel-driven operations ug monitoring sa mga lugar nga giilang hotspot sa smuggling isip kabahin sa paningkamot sa kapulisan nga mapugngan ang paglapad sa iligal nga kalihukan.