Gipahimangnuan sa Commission on Elections kon COMELEC ang tanang kandidato sa miaging eleksyon, hilabi na ang mga napiling opisyal, nga ipasa ang ilang Statement of Contributions and Expenditures kon SOCE sugod Mayo 13 ug ayha muabot ang June 11.
Ang SOCE maoy dokumento nga nagpamatuod sa tanang nadawat nga donasyon ug nagasto atol sa kampanya.
Sumala ni Renato Magbutay, Regional Election Director, ubay-ubay pa sa mga kandidato ang wala makapasa sa ilang SOCE, nga usa ka rekisito aron pormal nga makalingkod sa posisyon.
Dugang pa ni Magbutay nga bisan ang mga napildi sa eleksiyon gikinahanglan gihapon sa pag-file niini.
Matod pa ni Magbutay, nga ang dili pagpasa sa SOCE mahimong hinungdan sa posibleng pagdili sa paglingkod sa posisyon ug posibleng mag-atubang sa administrative sanctions.