Kumpiyansa si Justice Secretary Jesus Crispin Remulla nga matumbok sa testigo nga si Alyas Totoy ang nahimutangan sa mga nahanaw nga mga sabungero.
Determinado matud pa ang Department of Justice nga makakuha kini sa nahibling bahin sa patayng lawas sa mga biktima.
Gibutyag ni Remulla nga anaa sa ilang kamot ang mga natigom nga impormasyon ug mga lig-on nga testimonya gikan sa mga mitumaw nga testigo aron gamiton para matultulan ang mga patayng lawas sa mga biktima sa Taal Lake.
Gisuguro usab sa DOJ ang plano nga pagpahigayon og diving operations aron masuta ang kamatuoran mahitungod sa exposy sa mga testigo. Kabahin niini, gikumpirma ni Department of Science and Technology Secretary Renato Solidum Jr. nga nakigkoordina na ang DOJ sa Mind and Geoscience Bureau (MGB) alang sa mga kagamitan sa pagpangita sa mga sabungero.
Samtang, naglaum usab kini nga mulampos kini nga makuha ug matultol ang mga patayng lawas pinaagi sa mga kagamitan sa MGB ug aduna pay mga nahibiling parte sa mga patayng lawas sa mga biktima sanglit may kamatuoran ang gisaysay sa mga testigo.