Nagpakita sa ilang kusog ug determinasyon sa daghang sports events sama sa athletics, swimming, basketball, football, volleyball ug uban pa, ang mga delegado gikan sa nagkalain-laing rehiyon atol sa Palarong Pambansa 2025.
Sa unang adlaw sa kompetisyon, si Chrisia Mae Tajarros gikan sa Region 8 (Eastern Visayas) ang nakakab-ot sa unang bulawan nga medalya human kini nakadaog sa 3000-meter run alang sa secondary girls division.
Samtang, nasakmit sa Region 10 ang ikaduhang bulawang medalya sa palarong pambansa.
Bisan wala pa’y opisyal nga medal tally alang sa Region 10, padayon ang ilang paningkamot aron makadaug ug makahatag ug dungog sa rehiyon, diin sa kasamtangan duha na ka bulawang medalya ang nasakmit sa maong rehiyon.
Unang nakab-ot ni Khint Gimarangan ang bulawang medalya, nga misalmot sa long-jump kompetisyon nga taga Bukidnon ug gisundan kini ni Francis Joenel Cuabo, usa ka player sa Taekwando gikan sa Iligan City.
Dugang pa ang bronze medalist nga si Krystal Marydane Deguinion usa usab ka Taekwondo Freestyle Pomsae Player.
Sa kasamtangan, padayon usab ang pakigbisog sa matag atleta aron makadaog ug makahatag og dugang dungog sa matag rehion nga ilang girepresenta.
Sa kinatibuk-an nahilakip sa rank 1 ang rehiyon 10 samtang padayon kining nangtinguha mukamada sa rank 2 lakip ang uban pang rehiyon, diin rank 1 usab ang Region VIII-Eastern Visayas nga aduna usab 2 ka bulawang medalya.