Gibutyag ni kanhi Ako Bicol representative Zaldy Co ang giingong mga litrato sa dagkong maleta nga puno og kwarta nga iyang personal nga gi-deliver, kauban ang iyang mga tawo, ngadto kang Presidente Bongbong Marcos ug kanhi House Speaker Martin Romualdez.
Matod pa ni Co, gihimo ang maong mga delivery gikan sa Forbes Park paingon sa Malacañang ug gipakita niya ang mga hulagway sa ikaduhang bahin sa iyang video message nga mituki sa giingong mando sa presidente nga adunay P100 bilyon nga budget insertions para sa 2025.
Gibutyag niini nga tinuod ang unang mga pamahayag sa retired Marines nga si Orly Guteza.
Sa unang bahin sa iyang video message, iyang gipadayag ang gikaingong anomalya sa flood control ug uban pang infrastructure projects nga giangkon nga may kalabutan sa dagkong budget insertions.
Nagpahimangno ang kanhing kongresista Zaldy Co nga wala matud pa siyay nadawat nga kwarta may kalabotan sa gituohang ₱100 bilyon nga “insertion” sa budget sa gobyerno.
Matod ni Co, dili tinuod nga siya’y nakabenepisyo sa maong pondo ug giangkon niya nga ang tanang pondo matud pa misulod kang kanhi House Speaker Martin Romualdez ug Pangulo Ferdinand Marcos Jr..
Ang iyang pamahayag misunod sa nagkadaghang akusasyon ug kontrobersiya bahin sa budget allocations sa Kongreso, diin giingon niini nga ang iyang pangalan nadala sa isyu bisan wala siya’y labot o direktang kontrol sa maong pondo.
Apan nagpadayong adunay imbestigasyon ug diskusyon sa publiko bahin sa tinuod nga dagan sa kwarta ug kung kinsa gyud ang responsable niini.
Dugang pa, gisaysay usab niini nga nalipay matud pa ang presidente sa dihang nakasulod na ang P100 bilyon nga insertions.
Gipamatud-an niini ang gibutyag ni Orly Guteza sa senadon mahitungod sa male-maletang salapi.