Gitay-og sa kusog nga linog ang pipila ka bahin sa Caraga Region karong adlawng biyernes, Oktubre 17, 2025, takna alas 7:03 sa buntag.
Sumala sa Philippine Institute of Volcanology and Seismology kon (PHIVOLCS), ang linog adunay kusog nga magnitude 6.0 ug giladmon nga napulo (10) ka kilometro.
Natino ang lokasyon sa epicenter sa gilay-on nga 13 ka kilometros sa habagatan-sidlakan sa General Luna, Surigao del Norte. Base sa instrumental intensities nga natala sa ahensya, nakasinati og Intensity IV ang Cabadbaran City, Agusan del Norte; Hinunangan, San Francisco, Hinundayan, ug Silago sa Southern Leyte; ug Surigao City, Surigao del Norte.
Padayon pa ang monitoring sa PHIVOLCS alang sa mga posibleng aftershocks ug gidasig ang publiko nga magpabilinng alerto ug sigurado nga anaa sa luwas nga lugar.