Gipukaw sa kusog nga linog ang mga residente sa Bogo City, Cebu pasada alas 1:06 sa kaadlawon, Lunes, Oktubre 13, 2025, subay sa taho sa Philippine Institute of Volcanology and Seismology (PHIVOLCS).
Ang linog nga adunay magnitude 5.8 na unang gikatahong magnitude 6.0 na natala 14 kilometros sa kasadpan sa Bogo City, nga mao gihapong lugar nga nakasinati sa makadaut nga magnitude 6.9 nga linog niadtong Setyembre 30.
Nasuta ang Intensity V sa Villaba, Leyte, samtang Intensity IV ang nabatyagan sa Danao, Asturias, Argao, Talisay, ug Cebu City, lakip na sa ubang parte sa Leyte ug Southern Leyte. Matod sa Phivolcs, kini nga linog usa ka aftershock sa magnitude 6.9 nga linog nga nahitabo niadtong Setyembre 30, 2025, nga nakaangol og kadaut sa ubang dapit sa amihanang Cebu.
Gipasidan-an sa Cebu City Disaster Risk Reduction and Management Office (CCDRRMO) ang publiko nga magmatngon ug sundon ang mga safety protocols samtang gilauman ang mga aftershock human sa kusog nga pag-uyog.