Mitanyag og P500,000 si Impasug-ong Mayor Jetaime A. Okinlay-Gumban ngadto kang Cebu Governor Pamela Baricuatro isip tabang alang sa mga biktima sa Bagyong Tino.
Gipadayag ni Governor Baricuatro ang dakong pagpasalamat sa LGU-Impasug-ong alang sa pagdugang og pundo sa relief operations, rehabilitation efforts, ug pagtabang sa mga komunidad nga labing apektado sa pagbaha.
Kahinumdoman nga ang Bagyong Tino miigo sa Cebu niadtong unang semana sa Nobyembre ning tuiga nga nakahatag og dako nga kadaot, lakip na ang dakong pagkawala sa kuryente, pagkaguba sa daghang panimalay, pagbaha sa ubang lugar, ug mga damyos sa daghang imprastruktura.
Tungod niini, padayon ang panawagan sa dugang nga suporta aron mapadali ang pagbangon sa mga lumolupyo nga napektuhan.