Lima ka munisipyo ang lakip sa area of coverage alang sa kampanya sa Road Safety Month karong buwana pinage sa Land Transportation Office (LTO) Kibawe.Sumala ni Giklaro ni Eric Premiro gikan sa maong buhatan nga lakip sa mga lugar nga ilang giserbisyuhan mao ang Dancagan, Kibawe, Damulog, Kadingilan, ug Kitaotao, tanan anaa sa habagatan nga bahin sa Bukidnon.
Dugang ni Premiro, giuna nila ang kaluwasan sa mga pasahero ug drayber pinaagi sa padayon nga pagbansay ug pahimangno kabahin sa luwas nga pagpadagan sa sakyanan. Kabahin sa maong kampanya ang mga driving schools nga giimbitahan aron motabang sa pag-edukar sa publiko bahin sa hustong disiplina sa karsada. Ang Road Safety Month magapadayon hangtod sa kataposan ning buwana, nga gitumong sa pagpakusog sa kahibalo ug kooperasyon sa katawhan kabahin sa kaluwasan sa dalan.