Hugot nga gitutokan matud pa ni Atty. Warren Pabillaran, ang nahitabong pagpamusil gahapon sa Purok 6, Barangay Casisang, Malaybalay City, Bukidnon.
Saysay pa ni Pabillaran nga nakadawat matud pa ang kapulisan og report gikan kang Gregorio Jaroy, Barangay Kapitan sa Casisang, Malaybalay City, kabahin sa pagpamusil sa Purok 6, Casisang, Malaybalay City.
Subay sa imbestigasyon, pag-abot sa kapulisan sa lugar, nakit-an ang biktima nga si Loid Repalda, 42 anyos, nga nagbuy-od sa kilid sa kalsada uban sa iyang motorsiklo.
Nakahiagom samad sa ulo tungod sa pusil ug nakit-an ang basiyo sa bala nga kalibre 22.
Sumala ni Mayor Pabillaran, sa buntag pa lang, nibisita na si Loid sa estasyon aron ireklamo nga ang iyang silingan nga si Benjie Ebañez, nga nagdala og armas ug matod pa anaa kini panagbangi.