Giangkon sa Broadway superstar nga si Lea Salonga nga dugay na silang bulag sa iyang asawa nga si Robert Chien. Gibutyag kini ni Lea atol sa usa ka interview alang sa “Les Misérables World Tour Spectacular” didto sa Parañaque City niadtong Miyerkules.
Sumala ni Lea, dili na sekreto ang ilang panagbulag ug malipayon siya nga anaa na sa maayong kahimtang ug “happy” na usab ang iyang kanhi bana. Bisan pa sa ilang sitwasyon, nagpabilin silang nagtinabangay sa pagpadako sa ilang anak nga si Nic Chien.
Gidayeg pa ni Lea si Robert ug ang bag-ong partner niini tungod sa padayon nga pag-atiman ug suporta ngadto kang Nic. Dugang pa sa singer-actress, importante ang “unconditional love” sa mga ginikanan ngadto sa ilang mga anak, bisan unsa pa ang pilion niining dalan sa kinabuhi.
Mapasigarbohon usab si Lea sa iyang anak ug miingon nga ang iyang prayoridad mao ang kalipay ug kaayohan niini.