Padayon gihapon ang pagpangita ug pag ila sa identidad sa usa ka lalaki nga nakit sa Pulangi River, Purok 10, Barangay Natulongan, Lungsod sa Kibawe, Bukidnon nga anaa na sa state of decomposition.
Sa eksclusibong pakighinabi sa Bombo Radyo kay PCPT Leonila R. Vicente, Officer-in-Charge sa Kibawe Municipal Police Station nga nakigkoordina na sila sa mga kapulisan sa syudad ug uban pang lungsod sa probinsya aron masuta kung adunay mga report sa missing person nga posibleng konektado sa kaso.
Saysay pa niini nga kaniadtong milabay nga mga adlaw duha ka patayng lawas ang nakaplagan sa maong dapit ug pipila ka metros lamang ang gilay on niini apan positibo nga giila na ang usa ka babaye nga gikan sa syudad sa Malaybalay nga naanod gikan sa Manupali River sa Barangay Bangcud.
Dugang pa ni PCPT Vicente, tungod anaa na sa state of decomposition ang lawas sa lalaki gilubong na kini sa Kibawe Public Cemetery ug gikuhaan na ug samples sa Scene of the Crime Operatives (SOCO) para sa dugang imbestigasyon ug forensic analysis sa umaabot.