Kris Aquino mihunong sa pagginhawa sulod sa duha ka minuto atol sa operasyon 

Gipaambit ni Kris Aquino nga hapit siya mawal-an og panimout samtang gipailawom sa operasyon.

Sumala sa TV host-aktres, sulod sa mga duha ka minuto mihunong siya sa iyang pagginhawa.

Nag-post usab siya og hulagway sa iyang social media samtang anaa sa postoperative recovery room.

Nagpasalamat si Kris sa iyang mga supporters nga nagpaabot sa ilang mga pag-ampo alang sa hapsay ug luwas niyang operasyon.

Kinumduman nga adunay pipila ka autoimmune disease si Kris , hinungdan nga pipila ka bulan siyang nagpuyo sa Estados Unidos alang sa iyang pagpaalim.