Gisumite sa Korte Suprema ang usa ka letter-petition nga naghangyo sa korte nga usbon ug balik tan-awon ang desisyon niini nga nagdeklarar nga dili konstitusyonal ang impeachment complaint batok kang Bise Presidente Sara Duterte.
Sa notice niadtong Agosto 12, ning tuiga gipasabot nga natala sa Korte Suprema En Banc ang maong petisyon nga kaniadtong Agosto 5, 2025. Gisulat ug gipirmahan kini sa nagkadaiyang indibidwal nga nagpahayag sa ilang pagsupak sa desisyon sa Korte. Gihangyo usab sa mga miperma nga ipahigayon ang oral argument kabahin sa maong isyu aron mas madungog ang ilang argumento.
Kahinumduman nga niadtong Hulyo, gibutyag sa Korte Suprema nga supak sa balaod ang mga artikulo sa impeachment batok sa Bise Presidente tungod nakalapas kini sa “one-year bar rule” — ang balaod nga nagtugot nga usa ra ka impeachment complaint ang mahimong ipasaka batok sa usa ka opisyal sulod sa usa ka tuig. Apan, giklaro usab sa Korte nga dili pa niini giabswelto si VP Sara sa mga reklamong gisang-at batok kaniya.