Nakadaug isip Presidente sa Poland ang 42-anyos nga historian ug giilang populist firebrand nga si Karol Nawrocki, nga mipildi sa mayor sa Warsaw nga si Rafał Trzaskowski.
Nakadaug si Nawrocki ubos sa populistang partido nga Law and Justice (PiS), nga nakakuha og 50.89% sa kinatibuk-ang boto. Ang maong resulta nagpasabot nga napalawig pa sa napulo (10) ka tuig ang dominasyon sa PiS sa presidential palace.
Gituohang nakatabang sa iyang kampanya ang suod nga relasyon ni Nawrocki kang US President Donald Trump, diin nakita siya nga mibisita sa White House pipila ka semana sa wala pa ang eleksyon.
Gilauman nga si Nawrocki mahimong lig-on nga babag sa mga balaod nga sugyot sa kasamtangang Prime Minister nga si Donald Tusk. Gilauman usab nga magpadayon ang iyang nationalist ug conservative nga pamalaod sa Poland.