Usa sa mga dakong isyu nga giatubang karon sa Pilipinas, ilabina sa probinsya sa Bukidnon, mao ang pagka-delayed ug kakulangan sa implementasyon sa mga flood control projects.Sa tibuok Bukidnon, adunay kapin sa 110 ka flood control projects, siyam niini nahimutang sa syudad sa Malaybalay.
Apan daghan gihapon sa mga proyekto ang wala pa mahuman ug wala mosunod sa target completion dates.Pinakadako nga proyekto sa syudad mao ang Flood Control Structure sa Barangay Simaya nga adunay kinatibuk-ang budget nga ₱207.47 milyon, nga gidumala sa Ritchie-Nathalie Development Corporation.
Ang Phase 3 sa proyekto wala pa masugdi tungod kay wala pa’y pondo sumala ni Barangay Kapitan Nimfa Bautista.Laing dakong proyekto mao ang flood control sa Barangay Laguitas nga adunay budget nga ₱141.85 milyon ug gidumala sa JT Gamolo Construction Inc.
Hangtud karon, 40% pa lang ang nahuman, bisan pa nga target unta nga mahuman kini niadtong Marso 25 ning tuiga.Sa laing bahin, aduna say mga proyekto nga nahuman na, sama sa Sitio Panamucan, Brgy. San Jose ug Barangay Apo Macote, nga parehas gidumala sa Rosbill Construction and Supply.