Kapin sa 170 ka mga bilding, gilamoy sa kalayo sa Japan

Kapin sa 170 ka mga bilding ang naugdaw sa pinakadako nga sunog sa Japan sulod sa 50 ka tuig, nga miresulta sa pagkamatay sa usa ka indibidwal.

Ngtinabangay ang mga helicopters sa bombero ug sa militar aron mapalong ang sunog sa Oita City sa distrito sa Saganoseki.

Mikuyanap usab ang kalayo sa kasikbit nga mga bukirang dapit.

Gimandoan usab sa mga otoridad ang katawan sa pagbakwit, diin adunay natala nga 175 ka mga residente ang mibakwit.

Samtang ang Punong Ministro sa Japan nga si Sanae Takaichi mipadayag sa iyang kasubo ug mitanyag og tabang.

Kahinumdoman nga kaniadto tuig 2016, usa ka dakong sunog sa Itoigawa nakapaugdaw sa 147 ka mga bilding.

Kasamtangan nga padayon pa ang ginahimong imbestigasyon sa mga otoridad sa maong sunog.