Gisalmutan sa kapin 300 ka mga Certified Public Accountant (CPA) gikan sa Mindanao, ang 42nd Annual Conference of the Association of CPAs in Mindanao (ACPAMIN).
Ang tema sa maong kalihokan mao ang “Rooted in Values, Growing in Excellence”, nga nagtumong sa pagpalig-on sa mga propesyonal nga mithi, pagsaulog sa kabilin, ug pagtan-aw sa umaabot nga direksyon sa accountancy.
Ang maong kalihokan gipasiugdahan sa PICPA Bukidnon Chapter ubos sa pagpangulo ni Raymundo C. Carbajal, nga nagsilbi usab nga Chair sa ACPAMIN ug MGAO. Si Atty.
Katherine R. Niere, Conference Chair, ug nagdumala sa panumpa sa mga CPA, nga gipahigayon sa Barangay Casisang, Malaybalay City.
Gipahayag ni Atty. Jay Warren R. Pabillaran, Malaybalay City Mayor, sa panglantaw niini sa pagpahimutang sa Malaybalay isip usa ka highland hub alang sa turismo, pagkat-on, ug pamuhunan.
Iyang gitumbok ang klima sa siyudad, kahitas-an, ug malinawon nga kinaiya isip lig-on nga mga pundasyon sa umaabot nga destinasyon alang sa mga kombensiyon ug negosyo retreat.