- Advertisement -
Boluntaryong nitahan sa Philippine National Police–Criminal Investigation and Detection Group (PNP-CIDG) si kanhi Senador Ramon “Bong” Revilla Jr. karong Lunes sa gabii, Enero 19, 2026, human migawas ang warrant of arrest sa Sandiganbayan kalabot sa giingong anomaliya sa flood control projects sa Pandi, Bulacan.
Nitahan si Revilla uban sa iyang pamilya ug mga abogado ug dayon gipaubos sa standard booking procedures lakip ang pagkuha og mugshot ug fingerprints. Sa usa ka video nga gipagawas sa social media, iyang giingon nga andam siyang atubangon ang mga pasangil aron malimpyohan ang iyang ngalan.
Sa pagkakaron, anaa siya sa kustodiya sa PNP samtang nagpaabot sa mando sa korte kon asa siya itanggong o kon tugotan ba siyang makapyansa.
- Advertisement -